Porcession Sinte-Rolande di Djerpene

Li porcession Sinte-Rolande u toû Sinte-Rolande u måtche Sinte-Rolande di Djerpene (la-minme, mârche Sinte-Rolande), c' est ene des pus rlomêyès porcessions d' l' Eter-Sambe-et-Mouze.

Ele pout esse riwaiteye come on vraiy perlinaedje a sinte Rolande.

Ele si passe li londi del Pintcosse.

Circût

Ele kimince a troes eures å matén a Djerpene minme pa ene messe po les perlins.

Å cwårt a cwate (3 e. 45), les mårtcheus s' enondnut, eviè Umiêye k' i dvèt avinde al dimeye di cénk (4 e. 30). Did la ripårti so Hanzene ou çk' i seront on pô après 5 eures. I ralèt adon so Tårciene k' i dvont î esse diviè l' dimeye di set (6 e. 30).

I s' vont rispoizer ene dimeye eure a Bietransåt (et ddjuner), di set eures et dmey a ût eures.

Aviè nouv eures, elle arive a Djoncret. Divant l' eglijhe, gn a des bouxhaedje di hoûlåds.

• 
  tchapele avou l' åbarone Sinte-Rolande
• 
  dischindant Djoncret, mwaisses padvant
• 
• 
  divant l' eglijhe di Djoncret
• 
• 
  Riprijhe del porcession inte Djoncret et Åco

Did la, ele prind ene voye di tere po-z avni a Åco.

• 
  prumire ahote dilé ene tchapele a Åco
• 
  Riprijhe del porcession

Novele distchedje di fiziks dilé l' eglijhe, pu l' porcession prind l' voye do tchestea. La, gn a l' mayeur di Djerpene ki ratind les mwaisses des cpagneyes.