Tchapele

Pol discramiaedje des årtikes avou l' mot « Tchapele », loukîz cial.

Ene tchapele, c' est on ptit bastimint la k' on preye (sovint dicåçtêye a on sint). Dins li rlidjon catolike, todi.

Bastixhaedje des tchapeles

Dins l' pus vî tins, les tchapeles estént consacrêyes a on sint, po-z î fé on pelrinaedje.

Adonpwis, c' esteut ene ritche famile ki bastixheut ene tchapele po rmerciyî l' Bon Diu d' ene faveur (metans: èn nén awè stî broûlé pa les Almands al guere di 14).

Udon, ça a stî ene môde dimandêye pa l' Eglijhe, come les tchapeles a Notru-Dame di Loude, adonpwis, a Notru-Dame di Biarin.

• 
  Ene pitite tchapele.
• 
  Ene hôte tchapele.
• 
  Ene tchapele k' on comaxhreut avou ene eglijhe.
• 
  Ene tchapele a l' Aviedje.
• 
  Ene tombe-tchapele a Sidi Ahmed Ou Moussa, e l' Marok.

Dins l' lingaedje walon

dins l' toponimeye

Loukîz a : tchapele (toponimeye)

dins l' antroponimeye

Come toplin des ôtes nos d' famile del Walonreye, li no «Tchapele» est prononcî a môde francesse. Dins les poirteus do no, gn a Jean-Jacques Chapelle.

dins les ratourneures

Dins l' ratourneure «fé totes les tchapelles», li mot tchapele a prins l' sinse di «cåbaret».