Raloyisse

Les deus Corêyes ni s' erconoxhnut nén l' onk l' ôte. Tchaeconk riclame l' deujhinme mitan : çou k' est ene fôme di raloyisse.

Copadecô, i gn a des sayes po k' les deus s' rebannut. Ci pordjet ci a staté, do moens do costé del Bijhe-Corêye, li 1î d' djanvî 2024.

Li raloyisse, c' est ene ideyolodjeye politike. L' adierça, c' est d' mete eshonne on payis, ubén onk di ses bokets, avou èn ôte.

Urope

Beldjike

E l' Beldjike, il egzistêye deus sôres di raloyisse : ene avou l' Walonreye eyet l' ôte avou li Flande. El Nonne ireut a l' France, li Frambråylisse, tins k' el Bijhe ireut a l' Neyerlande, li Neyerlambråylisse.

Cossovo

Li Cossovo s' a dislaxhî del Serbeye, e 2008. Mins nerén, sacwants dmorants d' laddé volnut s' ermete avou l' Albaneye. Dins ciste ancyinne redjon d' Serbeye, on conte 93 djins d' etneye albanesse conte set po les ôtes, inte di yeusses les Siebes.

Nouve-Yougoslaveye

Dinltins, i egzistéve on payis lomé dinsi. I s' a cpårti, al fén do 20inme sieke, po dner, ouy : li Bosneye, li Cossovo, li Crowaceye, li Montenegro, li Serbeye eyet li Sloveneye. Ene varyisté erclame ossu des rawetes di l' Albaneye, del Bulgareye, del Hongreye eyet del Roumaneye. Dins li lingaedje yougoslåve, on-z el lome voltî li « Grande Serbeye ». Ciste idêye la dmeure peuprece amon l' foite droete siebe.