Raspepyî årtike do wiki
On raspepyî årtike, c' est èn årtike do wiki walon k' est bon ådla.
Fond des årtikes di l' esplicant motî
[candjî | candjî l’ côde wiki]
Dispu 2009, l' esplicant motî est rdiswalpé sol Wiccionaire.
Po les årtikes di l' esplicant motî (avou rahoucaedje e ptitès letes), i fåreut k' on-z åye raspepyî l' mot dins tos les "gros ronflants" del djivêye des motîs.
I fåreut aveur radjouté des fråzes d' oteurs ramexhnêye foû des motîs.
Les rahoucas serént sol mwaisse pådje di l' årtike, pus sol pådje di copene. On pôreut wårder la les disfondowes, fwaites "di tiesse", sins rahouca.
Po bén fé, i fåreut eto ki les hårdêyes eviè les ôtes mots ni soeyénxhe nén e rodje coleur.
Cwand ça s' pout, i fåreut raloyî l' mot a ene u sacwantès pådjes eciclopedikes.
Fond des årtikes eciclopedikes
[candjî | candjî l’ côde wiki]Po les årtikes eciclopedikes, i fåreut ki les dnêyes do Wiki walon ni soeyénxhe nén les cenes des ôtes Wikis, djusse ratournêyes. I fåerut dner les sourdants des dnêyes, aprume des lives u waibes e walon, u ratournêyes e walon a pårti d' on live e francès eplaidî el Walonreye (inte di zels les lives sol walon.
On pout eto rahoukî des lives sicrît dins des ôtes lingaedjes, et eplaidîs foû payis, si ces rahoucas la ni sont nén rcopyîs d' èn ôte Wiki.
Fôme
[candjî | candjî l’ côde wiki]Foû do fond d' l' årtike, i fåreut eto kel fôme soeye boune : les coleurs et les clinceyès letes po li splitchant motî. Ene croejhete pår walone, et ene tchuze des mots peurmint walons (et nén des rfrancijhas) po les årtikes eciclopedikes
Responsåves do montaedje e gråde
[candjî | candjî l’ côde wiki]Les manaedjeus do Wiki walon serént les cis ki pôrént fé "monter e gråde" des metous årtikes.