Societé Nåcionåle des Tchimins d' fier des Vicinås

Li Societé Nacionåle des Tchimwins d' fier des Vicinås ([DE] Nationale Kleinbahngeselschaft ; [FR] Société Nationale des Chemins de fer Vicinaux ; [NL] Nationale Maatschappij van Buurtspoorwegen) esteut, disk' e 1991, li societé nåcionåle des kimon transpoirt bedje divant li redjonålizacion des kimons transpoirts avou l' OTW (ancyinnmint : SRWT) e l' Walonreye, li De Lijn e Flande eyet li STEB e Brussele.

Idintité

Coleur

A s'-n' askepiance, li SNTV aveut ses motrices e vete, mins après les Vicinås ont prindou l' coleur blanc crinme (kécfeye avou do bleu padzo). Dins les anêyes 1950, li dzeu des motrices sont todi e blanc crinme mins li dzo avént stî rpondous e rodje. Mins nerén, pindant l' dijhnêye ki shuveut, les rodjès pårteyes avént stî rpindou e blanc crinme come davance. Foû des anêyes 1970, li dzo des motrices eyet des busses ont divnou orandje avou ene bleuwe lene ki schåye li crinme di l' orandje.

Imådje

Li logo del SNTV aveut 's no e francès a gåtche eyet l' ci e neyerlandès a droete. I riprindeut sacwants simboles del Beldjike : li liyon, li corone, metans.

Rantoeles

Li rantoele des Vicinås esteut kipårti dins tote el Beldjike, minme dins les veyes wice k' i gn aveut d' ôtès societés d' kimons transpoirts, come a Brussele avou li STEB, a Tchålerwè avou li STET, ubén come e Anverse avou li MIVA.