Sapinse Seur Lidiye (djournå)

Èn årtike di Wikipedia.

Li Wiccionaire si rsieve di sacwants fråzes di ç' live cial po-z enimådjî des mots k' i gn a.

S'apinse Seûr Lidîye

Sapinse Seur Lidiye (S'apinse Seûr Lidîye), c' est on roman e walon da Emile Gilliard, parexhou e 2014.

C' est on live a môde di djournå sortitré «Ratuzaedjes del dierinne beguene di Goyet».

C' est l' shûte di «Les djoûs racourtixhnut» k' aveut vudî e 2002.

Tinmes[candjî | candjî l’ côde wiki]

Veyanmint k' on clôt s' covint, seur Lidiye doet baguer a Lidje, dins èn ospice di macherseurs. Mins, leye k' a viké sacwant tins mierseule, tot fjhant a s' môde, s' adurè-t elle a l' aeurêye vicåreye des beguenes di Lidje ?

Li live est eto plin d' ratuzaedjes so les candjmints di l' Eglijhe, et li rwaitaedje des djins eneviè les valeurs k' estént sacrêyes co lanawaire :

  • On-z a foirci l' poite di l' eglijhe di Goyet, et moussî dvins. On-z a droviet l' ouxh do tabernåke et stårer totes les ôstiyes so l' åté et sol pavmint. Et scrire des pourceatreyes so les meurs al rodje coleur (p. 41).
  • li plaece des curés et des simpes praticants dins l' Eglijhe; li waire di plaece po les comeres (p. 48-50).

Docô avnowe a Lidje, ele tome so ene djonnete fordoirmant dins ene rouwalete. Et k' aveut l' tiesse avå les cwåres. Dandjreus ene drouctêye. Et l' ramoenner å covint.

Mins cwè fé l’ londmwin ? « Nos alans esse oblidjeyes di telefoner al police po dire cwè. Elle va surmint esse evoyeye dins èn I.P.P.J., ene måjhone po des djonnes come leye. » sapinse li mere superieure (p. 72).

Li novele-vinowe va-t i fé candjî les avizances, pår wårdiveuses, del Mere superieure ?

A pårti di l' istwere del djonnete, li scrijheu aboirdêye eto li tijhnaedje pol seke ådvins d' ene ribasteye famile.

Corwaitaedje[candjî | candjî l’ côde wiki]

Cial come dins ses ôtes romans, Mile Djiyård mostere k’ i pout aboirder des sudjets d’ asteure avou on motlî walon classike, nén francijhî. Mins tot rprindant des noûmots tés kés do francès (IPPJ)[1]

Hårdêye divintrinne[candjî | candjî l’ côde wiki]

Sourdants[candjî | candjî l’ côde wiki]

  1. Lucyin Mahin Li Rantoele 74, esté 2015