Schite å sonk des agneas

Li schite å sonk des agneas, c' est ene tocsiboylite k' acsût les djonnes agneas.

Elle est cåzêye pa on tipe B u C del bactereye Clostridium perfringens, si tocsene bêta.

Minêyolodjeye

Li maladeye ni s' voet ki so les agneas k' ont skepyî dins l' bedjreye (et nén dins les tchamps).

Si les mames ni sont nén eploctêyes, c' est les agneas djusse sikepyîs k' atrapnut cisse plôke la.

Si les berbis sont vaccinêyes comifåt, c' est purade a deus u troes samwinnes, cwand l' imunité do bè endè va.

Senes clinikes

Sovint, les agneas crevèt divant d' awè mostré des senes di maladeye (moirt subite). Les cis ki sorvikèt sont flachgates, coûtchîs al tere. On voet bén k' c' est des oujheas pol tchet.

Gn a del placante schite après l' cawîs, et so les coxhes (evoyeye la pås mouvmints del cawe).

• 
  placante schite rodjåsse
• 
  placante schite avou so sonk (aweyes)

Damadjes ås organes

Å discopeçaedje, on voet des bokets d' boyeas tot rodjes måves. Li foete est winnisse.

Li potche d' amer n' est nén rimpleye (come dins les tocsiboylites des ovrins fwaits).

Li moulete est plinne di matons (prins laecea djusse teté) et d' on sonnieus sûna.

Gn a co sovint di l' aiwe e cour.

• 
  efouwaedje des boyeas, foete ene miete winnisse
• 
  moulete rimpleye
• 
  contnou del moulete : matons (prins laecea) et sonk
• 
  aiwe dins l' saetch do cour