Schites-d'-agaesse

Pol discramiaedje des årtikes avou l' mot « schite », loukîz cial.

Les schites-d'-agaesse (sovint å pluriyal) u schites-d'-oujhea ^{aschoûtez lu} (on dit eto : fås crisson), c' est ene fleur des tchamps, foirt corante, 40 cm hôte, avou des belès ptitès fleurs, di coleur blanc a rôze-bleu, ki florit åtoû do moes d' may e l' Walonreye.

Ses grinnes sont lomêyes des matons.

Sincieus no d' l' indje : Cardamine pratensis

Uzaedjes 

Dinltins, on nd aveut dins tos les cortis. On les meteut dins les salådes, soeye-t i les djonnès plantes nén floreyes, soeye-t i les picantès foyes. On pout ossu mete des fleurs po gårni les salådes.

Ås porcessions do moes d’ may, on lancive des fleurs dilé les rpôzwers (åtés d’ porcession).

Dins les belès-letes e walon

Dizo l' no «schite di canari», on ndè djåze come fleur ki crexhe å boird di l' aiwe dins l' live d' imådjes «Waite a ti, Pépé Crotchet».

Waitîz, cisse fleur ci, c' est do såvadje a, et voci, c' est des botons-d'-ôr.(…) Et les rôzès fleurs voci, c' est des schites di canari.