Signeurreye
Ene signeurreye u on ban u ene tchestelreye, c' esteut l' tere d' on signeur del Moyinådje.
Droets do signeur
[candjî | candjî l’ côde wiki]Sôres di droets
[candjî | candjî l’ côde wiki]Il î egzercêye des droets di signorreye hôtrinne u banåve (droets so les béns et les djins do ban) et d' signorreye teryinne u patrimoniåle (droet di vinde, u dner l' tere u des bokets a on waslet).
Mins les deus sôres di droets savèt esse egzercés pa deus signeurs diferins. Li signorreye teryinne, c' est co sovint ene institucion (abeye, ôre rilidjeus.
Egzimpe
[candjî | candjî l’ côde wiki]Dins l' ancyin dominne di Tanton (asteure so Biarin) e 12inme sieke, c' esteut l' signeur di Lompré-el-Fåmene k' aveut les droets hôtrine, mins l' ôre des Timplîs k' avént les droets patrimoniås.
Motlî
[candjî | candjî l’ côde wiki]Les djins ki viként sol tere d' on signeur estént lomés les «sieves» u «manants».
Istwere
[candjî | candjî l’ côde wiki]Les signeurreyes (avou ç' no la) ont cmincî avou l' dismimbraedje di l' Impire da Tchårlumagne (8inme sieke). Dabôrd, li sistinme est bén cnoxhou e l' France, e l' Beldjike, ezès Bas Payis, e l' Almagne, ey e l' Itåleye. Pus tård, li sistinme a stî epoirté e l' Inglutere.
On n' kinoxhe les pondants et les djondants do sistinme signeurrece k' a pårti do 12inme sieke, la k' atake a gn aveut des papîscrîts inte signeurs.
Portant, gn aveut ddja des sfwaits sistinmes al fén di l' Impire romin, et minme do trevéns del Viye Grece.
Djeyografeye
[candjî | candjî l’ côde wiki]Les limotches inte deus bans estént sovint traeceyes påzès corantès aiwes.
Dins l' toponimeye
[candjî | candjî l’ côde wiki]Li mot «ban» rivént dins sacwants nos d' plaece del Walonreye (ban (toponimeye)).