Sint Rmåke

Èn årtike di Wikipedia.
Sauter à la navigation Sauter à la recherche

sint Rmåke e latén Sanctus Rimagilus, c' est on sint fiesti el Walonreye, li 3 d' setimbe.

C' esteut on moenne francès k' a-st avnou el Walonreye diviè 642, avou sint Hålin. I sayît d' basti on moustî a Cugnon, mins i fjhît berwete. Après, i rcuva di Sbert III ene franke tere, la k' bastixha li dobe abeye di Ståvleu-Måmdey (648), pu divni eveke di Tongue, et mori a Ståvleu diviè 675.

Po des linwincieusès racsegnes sol mot "Rimåke", alez s' vey e splitchant motî.

Fåves avou sint Rmåke.[candjî | candjî l' côde wiki]

Fåve do vî vî tins avou sint Rmåke.

  • Sint Rmåke et l' leu : Sint Rmåke est sovint mostré k' a mwaistri on leu ki rprinzintéve li diåle. Did la li fåve etimolodjike po Ståvleu : "E ståve, leu !"
  • Floriconte do fa do diåle a Rwene.
  • Fåves del passêye di sint Rmåke (a Spå et ôte pårt).

Perlinaedjes et tchapeles.[candjî | candjî l' côde wiki]

  • Grote Sint-Rmåke a Cugnon : on-z î dit messe li li 3 d' setimbe.
  • Tchapele Sint-Rmåke a Måtche (basteye diviè 860).
  • Passêye di Sint-Rmåke a Spå; mete si pî dins l' passêye pu aler boere on vere d' aiwe al Såvnire; on l' sieve vola po les femes ki n' savèt pont aveur d' efants.
  • Porcession d' Vervî, la k' on fjheut des dessinaedjes avou del tontisse (poussire di linne ou do rodje såvlon), k' on stitchive dins les trôs ås rats.
  • Lidje:
    • tchapele d' Amerkeur (Sint-Rmåke-å-Pont).
    • tchapele astok del coledjåle sint Mårtén (Sint-Rmåke-e-Mont).
  • Tagnon-so-Ambleve : ôte passêye da sint Rmåke ritaeyeye e 20inme sieke dins on blokea d' pire castinne.