Son K

Li son K, c' est on son do walon. Les mots avou l' son K provnèt ttossu bén di bodjes laténs ki di bodjes tîxhons. Eto, il a todi fwait målåjhey l' ortografyî.

E rfondou walon gn a ene seule rîle po li scrijhaedje do son K : c' est todi li lete K, apus ki divant O, A, U et ene cossoune u ene dimeye cossoune. Les scrijhas QU et QW do sistinme Feller sont abandnés.

Ça fwait k' e rfondou, li scrijhaedje do son k n' a pont d' foû-rîles, c' est todi : - "c" padvant ene ôte lete ki "e" (é, è, ê), "i" (î), "y", "h". - "k" dins les ôtes cas (ça fwait, pa dvant "e", "i", "y", "h" ou sins rén pa drî)

Li son K pout eto esse sicrît GU al fén do mot, di cåze di l' adurixhmint des cossounes å coron.

ene bague (bak)

Dins sacwants mots, ci K la a divnou ortografike, et rispiter dins les parints :

drouke => droucter

asterloke (cawete -loke)

Di cåze del rîle di scrijhaedje do son K, i fwait åjhey di vey ki les "c" al fén d' ene cope di mots come "blanc", "banc", evnd. sont moyas. Mins, dabôrd, ki son K al fén d' on mot si doet scrire "k" minme po les calcaedjes do francès avou l' lete "C" a cisse plaece la (lak, Luk, pupsak,...).

Ortografeye do son K dins li scrijha

Dins l' sicrîta, les scrijhaedjes K et QU aparexhnut ambedeus (Stockis, Stoquis).

Hårdêyes difoûtrinnes

• Sicole po-z aprinde li scrijhaedje do son K ås efants
• Esplikêye dins l' pitite croejhete da Hendschel (loukîz a "lete k")
• Esplikêye so li scrijhaedje do son K e walon "pre-rfondou" (e francès)
• Esplikêye dins l' grosse croejhete da Hendschel (e francès)