Gregne

li poite di gregne avou l' bawete

ene gregne, ou heure, c' est l' boket do bastimint d' ene cinse, la k' on roistêye li four, les djåbes, et li strin.

E l' Årdene, dins les cinses metowes a tiene, on fjheut cobén ene gregne ådzeu do ståve, k' on-z î moussive pa padrî : c' esteut ene batire-hôte.

Plaeces d' ene gregne

Imådje:Beroodii

berôdî (li dierin sômî et mårké pa des blankès fletches)

• Li poite, avou ene bawete, et sovint èn ouxhlet. Li poite et ces ahesses la, on dit cobén: li poitreye di gregne.
• Li berôdî: c' est on plantchî metou padrî l' poite di gregne fwait avou des pîces di bwès metowes ene dilé l' ôte, a môde d' astaedje, del lårdjeur del gregne, et deus a cwate metes long. Li berôdî fwait come pitit cina d' rawete metou dirî l' poite del gregne. Ubén i sieve di tape, po berôder les djåbes do tchår viè l' cina. I rashîd sol sovronde.
• Li schamea (pitit lodjmint fwait dins on tas d' four u di strin).
• Li sovronde u somî,
• Li mafe: on-z î rmeteut les djåbes divant l' bataedje, pu après li strin. I pleut esse al tere u plantchî.
• Li cina u traveure: plaece po rmete li four.
• Li bå u sômî (grosse pîce di bwès ki va d' on meur a l' ôte ki sotént l' toet et ki pout rashire on meur do gurnî.
• L' aire di gregne, k' on dit eto li daegn, u l' batire.
• Li hôrdaedje, u hôrdi (li tcherpinte di dzeu);
• Li houtche.

Sourdant: Georges Michel: Les ovraedjes des cinsîs, dinltins.

Ôtès ahesses des gregnes

• tchesse-rowe: pire metowe a l' intrêye des gregnes, po tchessî evoye li rowe des tcheretes, po n' nén disbrôler li poite di gregne
• Li houtche: la k' on meteut les molowès dinrêyes.

== Li mot gregne dins les nos d' plaeces.

avou "heure"

• rowe al heure, moustî al heure: rowe et coulot d' Tchôfontinne.

avou "gregne

• rowe des Gregnes: rowe di Wepion.