Afwaire Cools

L' afwaire Cools, c' est l' assazinaedje d' on politikî bedje walon, André Cools, li 18 di djulete 1991.

On n' a djamåy sepou l' fén mot di l' istwere, dj' ô bén : kî çk' aveut cmandé l' moude.

Rôlmint cronolodjike

André Cools fourit touwé di sacwants côps d' feu 18 di djulete 1991 a 7 eures 25 å matén (cénq munutes pol dimeye di ût). Si cpgneye, Marie-Hélène Joiret, fourit laidmint djostêye.

Po l' inkete, on meta so pî li « celure Cools », ene pougneye di rcwereus del police djudiciaire, dizo l' mambornance del djudje Véronique Ancia, k' esteut d' gåre å moumint do moude.

Deux Tunizyins, Abdelmajid Ben El Amine et Abdeljalil Ben Rajib fourît codånés e moes d' djun 1998 come moudreus da Cools et po-z aveur sayî d' touwer Marie-Hélène Joiret. I dvrént co esse el gayole el Tunizeye å djoû d' ouy. Ces deus omes la avént stî egadjîs pal mafia itålyinne po code ås orandjes à Agrigente (Sicile). On lzî djha ki l' Andrî Cools esteut on rvindeu d' disfindowès droukes.

E 2004, Richard Taxquet, èn ancyin djindåre di Gråce-Hologne, divnou tchåfeu do minisse Alain Van der Biest, a stî codåné avou cénk ôtès djins (Pino di Mauro, Cosimo Solazzo et Domenico Castellino, Luigi Contrino et Carlo Todarello) po-z awè adjinçné l' azassinaedje. Alain Van der Biest lu-minme esteut ametou dins l' afaire. Mins i fjha l' fén d' lu-minme e 2002, çou ki djoca si ametaedje el djustice.

Dispu don, li «celure Cools» a stî dismantcheye. Mins l' dossî est todi å lådje.

Hårdêyes difoûtrinnes (e francès)

• On forom sol moude da Cools
• Dierinnès racsegnes da Marie-Hélène Joiret