Nonne-Afrike

Li republike d' Afrike do Sud u republike di Nonne-Afrike (Afrika borwa e zoulou, Zuid-Afrika e-n africanse), c' est on payis metou al Nonne di l' Afrike.

Sitindêye : 1.219.912 km²

Peuplåcion : 43.650.000 dimanants (Nonne-Afrikins)

Mwaisse veye: Pretoria.

Manoye: li rand (ZAR).

Lingaedjes: inglès, africanse, zoulou, xhossa, swazi, ndebele, soto bijhrece, soto nonnrece, tsonga, tswana eyet venda.

Djeyografeye

Elle a des fontires avou li Namibeye, li Boswana, li Zimbabwè, li Mozambike, eyet li Suwazilande.

A Nonne, elle a on boird di mer di 2.798 km avou l' Oceyan antartike.

Li climat est mitan setch å dvins des teres eyet sortropicå sol boird di mer. Les djoûs sont tchôds avou bråmint do solea, les nutes sont frisses.

L' ådvins des teres, c' est on grand platrê avou des tienes. Li copete do payis si loem li Mont Njesuthi, ey est 3.408 metes hôt.

Gn a toplin des minrês di totès sôres, aprume di l' ôr, do crôme et des diyamants.

Istwere

Les eskeletes ritrovés drola mostrèt k' i gn aveut ddja des prezomes (ostralopitekes) la 3 miyons d' anêyes et des.

Cwand ls Holandès arivît låvå e 1652 et-z î askepyî li veye do "Cap do Bon Espwer", il ont trové des peupes (les Xhoy, San, Xhosa et Zoulous) ki dmorént ddja la. Les San, els ont macsådé disk' å dierin, eyet fé vni des sclåves d' Indonezeye, di Madagascar eyet di l' Inde.

E 1797, les Inglès ont prin l' veye do Cap, eyet l' adjonde a leu-z impire e 1805.

...

E 2010, li republike di Nonne-Afrike a-st adjinçné li Cope daenrece di fotbale.

Rilomés Nonne-Afrikins

• Nelson Mandela
• Frédéric Declercq
• Desmond Tutu
• Piet Botha
• li Dr Barnard
• Oscar Pistorius

Avey

Kruger Park (rezieve naturele)