Årtisse (vetrinaire)

Èn årtisse ki fwait ene botnire (Walonreye, 2003)

On (ene) årtisse (on dit eto: on, ene veterinaire), c' est onk (ene) k' a-st on diplome d' årtisyince, et ki sogne les biesses. Sovint, il est a s' boûsse, tot seu, u dins en soce di deus, troes u dpus di parey(e)s a lu (leye). Mins i (ele) pout eto bouter po on patron u po l' Estat.

Å cmince, les årtisses s' ocupént fok les biesses des cinses.

Å 19inme sieke, c' esteut bråmint po médyî les tchvås d' trait. Å 20inme sieke, les årtisses s' ont todi pus ocupé des vatches, et, avou l' arivêye des tracteurs, ça a stî leu mwaisse ovraedje. A costé, i sognént eto les pourceas, et les bedots.

Dins les anêyes 1950, gn a yeu todi dpus d' årtisses po sognî les tchéns et les tchets.

Ene kimere årtisse ki neteye ene vatche (Marok, 2005)

El Walonreye, c' est a pårti des anêyes 1980 k' i gn a yeu todi dpus di cmeres k' ont fwait veterinaires. A pårti des anêyes 2000, c' esteut mitan mitan. Les årtisses comeres polèt fé tos les mestîs, minme les grossès biesses.

Gn a eto des årtisses :

• ki scolèt les studiants dins les scoles veterinaires.
• ki fwaiynut des rcwerances dins les labos.
• ki boutèt po des fires farmaceutikes, les fires d' alimints po les biesses, evnd..
• k' ovrèt dins les ministeres (årtisses inspecteurs), dins les assurances, po les tribunås.
• ki travayèt a l' armêye (dinltins, po sognî les tchvås),
• ki boutèt dins les abatwers, po rwaitî al såvrité del tchå.
• ki sognèt les biesses des djårdéns zolodjikes.

A l' intrêye del sicole veterinaire, les studiants årtisses passèt on fel bateme.