Mouzaive (Yåle)

vuwe do viyaedje et d' Simwès

Mouzaive, c' est èn ancyin ptit ban del Walonreye, a hintche di Smwès, dedja rebané avou Yåle li 18 di djun 1964, divant les grands rebanaedjes.

• Limero del posse: 5550
• Limero diyalectolodjike:
  • ALW : D 140
  • C. Bruneau : Br 49
• Eplaeçmint sol Daegn: 49°51'N 4°58'E

• Dicåce: li 2inme dimegne après l' 8 di setimbe
• Djins: 80 (1840); 110 (1910); 64 (1930).

Po l' etimolodjeye et les vîs scrijhas, riwaitîz dins l' esplicant motî.

Rilidjon

Imådje:Tchapele Mouzaive.jpg

li tchapele

• Tchapele (1856) N.D. del Nativité

Istwere

Djusk' a 1778, Mouzaive, come Laforet et Suni, dipindeut do doyiné di Maizieres, årtchidiyoceze di Reims. Li viyaedje n' est nén cité e 1306, mins bén e 1346.

Divant l' revolucion francesse, li ban aveut stî pårti etur li Signeur d' Orcîmont et on signeur do viyaedje.

A vey

Sol hôteur, a on bon kilomete viè Suni, i gn a l' eplaeçmint di l' ancyin viyaedje di Bietranfontinne (Bétranfontin.ne), distrût al pesse di 1635.

Diviè 1860, on voeyeut co des pires del viye tchapele; c' est co asteure "li Virêye di l' Eglijhe". On dit ki po catchî les clotches del tchapele, on ls a plondjî dins ene fagne vijhene, si parfonde k' i n' a jamwais stî possibe di les rmonter.

Economeye

• Culteure do toubak so les dzeus, dins les prés dlé l' aiwe disk' a dins les anêyes 1960-1970 (asteure rimetous po les caravanes des tourisses).
• Cårire di belès pires pol divant des måjhons.
• Ancyin molén a l' aiwe sol bî d' Mitådje