Marke di fabrike divnowe on cmon no

On no d' måke pout divni on cmon no, cwand il amoenne ene sacwè d' noû, et k' les djins li djhèt sins pinser k' c' est ene måke, et kécfeye redjårber si prononçaedje avou l' oyance do lingaedje do payis.

Les nos d' måkes, c' est ene des sôres di nos prôpes ki divnèt des cmon nos.

Egzimpes do nos d' måkes divnou des cmons nos e walon.

• sulniche (brike di savon).
• nestorete (pitite sitouve å gaz).
• wek (bocå a sterilijhî).
• dånone
• sårma (grand botike).
• séracuze (îpe a crotchowès dints).
• pampiesse (faxhe k' on fote evoye).
• fal (fuzik mitrayete).
• aiwe-di-Spå-ki-spite; spå-orandje.

Egzimpes di des ôtes nos prôpes divnous des cmons nos e walon.

• sipoutnik
• tchén-bessi
• sipirou
• rampono
• Inami
• kaizerlik
• ravachole

Lingue-ehåyaedje et nos prôpes divnou cmons nos

Kimint ricnoxhe ki ça a divnou on cmon no ?

• On l' trove dins des motîs fwait sorlon les mwaissès rîles del diyalectolodjeye: wek (dins l' motî d' Bastogne), rampono (dins mwints motîs),
• On l' trove dins les studias di diyalectolodjisses:nestorete (dins on studia da Guy Belleflamme.
• Les djins ki l' eployèt ni savèt nén ki c' est on no d' måke. seracuze, rampono.
• Gn a des ôtès måkes do minme produt, mins ki s' lomèt på minme comon no.
• Li mot a fwait des parints: seracuzer; ramponer.
• Li mot a stindou s' sinse: rampono.
• On rtrove li mot dins des scrijhaedjes, u des spitch e walon: sulniche, sårma.

Egzimpes dins des ôtes lingaedjes

Francès

• Klaxon: no d' måke do prumî coirneu d' oto; a dné on mot-parint: Klaxonner.
• poubelle: no d' on prefet d' Paris k' a fwait mete des batch-ås-mannestés avå l' veye.

Inglès

• spa, calké do no del veye di Spå; (riloukîz les noveas sinses e walon)

Arabe marokin

• tide po ene bouwêye e poure; Po les ôtes måkes on dit: do tide "OMO".
• kina (kinene), po dire tolminme ké catchet.