Televuzion

Onk des prumîs modeles di posses

Li televuzion u tévé, c' est ene tecnike d' evoyaedje å lon des imådjes et so son, pal voye di waches electromagnetikes.

Li posse la k' on les rçût si lome posse di televuzion u, dins l' lingaedje corant boesse ås imådjes, bawete.

Les societés k' evoyèt des programes so lomèt tchinnes di televuzion. Il evoynut les waches so des metous tchenås (wachlire electromagnetike).

Les ondes sont rascodowes pa ene antene. Dispu les anêyes 1980, gn a yeu purade des antenes-eschieles.

Mins el Walonreye, ça a stî, di ces trevéns la, l' emantchaedje di cåbes po-z aveur toplin des tchinnes e s' måjhone. Les societés ki s' ocupént di rashonner les programes so lomît les tévédistribouweus.

Dispu les anêyes 2000, les programes di tévé si cossemnut eto pal voye del Daegntoele.

Come ôte noveaté, gn a-st arivé les platès waitroûles.

Come å posse, gn a yeu sacwants emissions e walon, mins nén des masses.

Consecwinces sociåles del televizion

Co dipus kil posse, li televizion a schové evoye li dujhance des shijhes dins les viyaedjes. Ci fourit dins les anêyes 1960 el Walonreye.

Å cmince, les djins si rashonnént co amon les prumîs k' ont yeu on posse. Po les match di fotbal, et des fouytons come li "James Bond".

Pu, pitchote a midjote, tos les manaedjes ont yeu leu prôpe posse, et shijhner tot loucant l' "boesse ås imådjes".

Hårdêyes divintrinnes

• Tchinnes di televizion
  • RTBF / Vivacité
  • RTL-TVI
  • Telesur
  • El Djazira