Tchestea

tchestea d' Mirwå

On tchestea, c' est gros bastimint del Moyinådje, retourêye di meurs di disfinse, la k' li signeur dimaneut.

Pus tård, on-z a eto lomé "tchesteas" des grossès bastijhes, avou des cortis ås fleurs did totåtou, basti pa des ritches.

Li ci (cene) ki dmeure dins on tchestea si lome li tchesterlin (tchesterlinne)

On ptit tchestea si loméve on tchession, on tcheslet, on tchestret, on tcheslinea, ene tchestele.

Les mots "tchestea" et ses raptitixhas sont mo corants, dins les nos d' plaeces del Walonreye.

Les tchesteas del Walonreye sont metou so ene pådje tote seule.

Les tchesteas del Moyinådje

vî tchestea d' Creve-cour

Il estént sovint metou so des croupets. Et minme so des cresses. Avou des falijhes d' on costé. Mins faleut eto aveur on sourdant po s' ahessî d' abwesson.

Gn aveut des tours, on pont rlevrece, et des craeyes dins les meurs po saetchî des fritches so les innmis k' årént volou griper après.

Did totåtoû, gn aveut des parfondès corotes, rimpleye di rinnes. Po les cwåcaedje des guernouyes èn nén disrindjî l' tchesturlin, les manants divént aler bate l' aiwe.

Les tchesteas des tins modienes

tchestea d' Åcoz

Gn a toplin des finiesses, et des egrés.

Divant l' ouxh, c' est tos pårtchets avou des fleurs et des hourêyes d' åbes.

Il ont stî sovint rvindous pa les eritîs des ancyins tchesturlins, pask' i costént foirt tchir a-z etertini. Et a tchåfer. C' est bråmint des ritches traeyincieus, u des politikîs aritchis, kécfeye did foû payis, k' els ont ratchté. Ubén pa l' estat u les provinces.