Moustî

li moustî d' Lussimbork

on moustî, c' est ene abeye. Li mot, ki vént do grek "monasterium", si rtrove dins bråmint des nos d' plaeces el Walonreye, mins eto foû payis (dizo aloumåcion : moutier, moustier, münster).

Po les ôtes sinse, l' etimolodjeye et les vî(s) scrijha(s), et les ratourneures e walon, riwaitîz dins l' esplicant motî.

Li mot "moustî" e toponimeye.

“Li piele”, ene novele da Georges Alexis, si passe a “Moustî”

Li mot "Moustî" est rsintou pås romantîs come assez "passe-partot" po-z esse prin come no d' viyaedje k' on n' sait nén dire wice å djusse.

Viyaedjes del Walonreye

• Moustî-so-Sambe
• Moustî-dlé-Nivele (so plaece: Moustië)
• Cirou-Moustî
• Moutiè.

Plaeces dins des viyaedjes

• Li Moustî (so plaece: lu Moustîr) : vî no di l' abeye di Måmdey. Li coulot metou padrî si lome "Padrî l' Moustî" (so plaece: Podrî l' Moustîr).
• Li Moustî (so plaece: lu Moutî) : no d' plaece di Suni.
• Li Moustî : cimintire di Rwaene, k' esteut da l' abeye di Ståvleu.
• Li Voye do Moustî (so plaece: li vôye dè mostî) : no d' ene plaece di Hestape.
• Fondreye do Moustî (so plaece: fondri dè Mousti): no d' ene plaece di Virwinvå.
• Lu Moustî, ène plaece du Såssère (Saussure), duvnu Carlsbourg.

Foû del Walonreye

• France : veyes ki s' lomèt Moutier ou Moustier : Neumoutier, Moustiers-Sainte-Marie (Alpes-de-Haute-Provence).
• Almagne : veyes ki s'lomèt Münster : Neumünster (Schleswig-Holstein)