Spicia

Epiceya
Picea abies - epiceya
Rindjmint sincieus
Ringne: Plantae (plantes) Ecoxhmint: Pinophyta (åbes ås carotes et picas) Classe: Pinopsida Ôre: Pinales (pareys ås moxhons) Famile: Pinaceae (pinacêyes) Djinre: Picea Indje: abies, sitchensis
No e sincieus latén
Picea sp.

L' epiceya, c' est l' åbes ås carotes et picas li pus corant el Walonreye. On l' lome sovint sapén mins sapén eyet epiceya ni sont nén do minme djinre botanike.

Il a stî planté bråmint al fén do 19inme sieke, kimince do 20inme sieke so les hés, les trîxhes et po-z assouwer les fagnes.

I n' leye cåzu pont d' plante crexhe dizo lu. Ça pout fé des rujhes dins des plaeces pol nateure come les troufreyes oudonbén les brouhires, ewou ç' k' on saye di les oister.

El Walonreye, on nel pout planter ki dins les aires di bwès. Mins end a k' è plantèt dins les tchamps, tot djhant k' c' est po des sapéns d' noyé.

No e sincieus latén : Picea sp..

Espèces

On trove tot costé e Walonreye li comon epiceya (Picea abies). Des côps on a ossu planté l' epiceya di Sitka (Picea sitchensis).

Uzaedjes

Si bwès est foirt eployî e mnujhreye, po les bassès ovraedjes, et po fé des måjhons d' bwès. Li "pichpin", c' est ene sôre impôrtêye, pus blanke, k' esteut foirt al môde dins les anêyes 1970.

On pout aler ramasser ås carotes di sapén po-z esprinde li feu.