Circût d' Francortchamp

Li plan do circût d' Francortchamp, la come il est pol Grand Pris

Li "Gritchete" u "Roedion", å trevåtchaedje del vå del Rodje Aiwe

Li Circût d' Francortchamp, c' est on circût po les coûsses d' otos et d' moto, k' est metou so l' ancyin ptit ban d' Francortchamp. Il est purade kinoxhou på Grand Pris d' Beldjike d' otos d' coûsse eyet pol coûsse d' edurance des 24 eures di Spå, mins i gn a totes sôres di coûsse ki s' î fjhèt.

C' est on circût pol vitesse (on pout griper disk' a 300 km/h), avou des tienes; il est ossu rlomé pask' on boket do circût pout esse bén setch, dismetant k' i ploût so èn ôte, çou ki fwait k' les moenneus des vweteures divèt adapter leu moennaedje inte les bokets setchs et les bokets ki sont frexhs et ridants.

I gn a bråmint des moenneus et des rwaitants k' voeyèt voltî l' circût, des cis k' i gn a l' cwålifièt come li circût l' pus spectaculåre po les competicions.

Li pus cnoxhou boket c' est l' "Gritchete" u "Roedion", sol trevåtchaedje del vå del Rodje Aiwe, c' est on boket målåjhey po les moenneus d' vweteures, la k' c' est sacwants tournants ki s' shuvèt did foirt près.

Istwere do Circût d' Francortchamp

E 1921, gn aveut ddja yeu ene coûsse di motos et e 1922 ene coûsse d' edurance po des otos ordinaires.

E 1924, ci serè l' prumî Grand Pris po les oto d' coûsse di Formule F (24 eures).

E 1925, c' est a Francortchamp k' i gn è va aveur li Grand Pris d' Urope.

E 1939, on fjha on novea circût, dessiné pa Jules de Their et Henri Langlois Van Ophem, di 14km (14.120m) avou l' fameus tourmant del gripete.

Li crawiaedje a stî ene miete amîdré dins les anêyes 1970, di cåze des rclamaedjes des pilotes. Tachie Stewart aveut yeu la èn accidint e 1966, et c' est lu k' esteut li moenneu del binde.

E 1983, li novea catoû di 7km (6.968m), bråmint moens riskeus.

E 2007, après sacwants anêyes sins Grand Pris, gn ourit troes candjmints :

• el nouve tchicane ki candje di costé avou ene coûte rintrêye po l' ravitaymint
• l' alårdjixhmint del droete lene eyet on pus grand disgadjmint a l' sôrteye
• on grand disgadjmint dins l’ tournant k' on lome di « l' antene cérudjicåle »

Difoûtrinne hårdêye

Waibe oficire do Circût d' Francortchamp