Såvadje cécoreye

Adjinçna del såvaedje cécoreye

Li såvaedje cécoreye u salåde des tchamps (on dit eto "pixhelét", mins c' est èn emacralé mot, u "crås-lård"), c' est ene plante, foirt corante, ki crexhe ene des prumires å bontins, el Walonreye.

Ele florixh djaene, avou l' montant del fleur come ene buze, avou on laecea dvins. Si fleur si lome cobén on florin d' ôr (come li manoye olandesse). Cwand les fleurs souwèt, ele fijhèt ene ronde bole avou tos ploumions ki volnut evoye.

No e sincieus latén : Taraxacum vulgare u Taraxacum officinale. Mins sincieuzmint, ci n' est nén ene seule plante, mins sawantès plantes foirt vijhenes.

Famile : sitoelacêyes.

Alez s' vey e splitchant motî po des linwincieusès racsegnes so les mots "såvaedje cécoreye", "salåde des tchamps" et "pixhelét".

Uzaedjes

Amagnî

Les salådes des tchamps si magnnut come salåde cwand ele sont totes pitites. On ndè pout fé eto del sope, avou des djonnès cxhådes, metans. Ubén en djotlêye

Come yebe ås maladeyes

• On dit ele fwait "rnovler l' sonk".
• Fwait pixhî, did la si no e francès.

Come måle yebe

Salåde des tchamps crexhowe so on hourlea d' grand-rote

Li salåde des tchamps, c' est ene plante foirt voltrûle. Ele pout crexhe so les hourleas, dins les pavêyes, dins les craeyes des meurs. Ele pout dismantchî les pavés. Adon, el fåt fé crever. Dins les cortis et so les rmouyes, elle est rwaiteye come on crouwå.

No dins des ôtes lingaedjes

• francès : pissenlit (mins "pixhelét", e walon, c' est sovint ene ôte plante).
• inglès : common dandelion.
• ripouwaryin : Latzen Butgenbach, Hondsbloûm (Montenau), Soûrmelk (Born), Ossetern (Rete).
• lussimbordjwès : Tsikriyen (Sint-Vi). , Pissblume et des ôtes nos. .

Sourdants

• 
  a djaenes florins
• 
  ene ki crexhe dins les meurs, et lzès disbrôler
• 
  a ploumions