François Walthéry

(e 2002)

François Walthéry, c' est on dessineu d' binddimådjes k' a vnou-st å monde li 17 di djanvî 1946 a Årdjetea.

I rexhe del sicole di Mårcinele eyet cmince avou Peyo e 1962, pu askepyî si prôpe persounaedje, l' otesse di l' air Natacha (1967). Mins c' est si dessinaedje so les colebeus walon dins “Li vî bleu” (1974), k' el va fé moussî a djonds pîs emey les cis k' on fwait bråmint pol rivicance do walon al fén do 20inme sieke. “Li vî bleu”, si modêye e walon est saetcheye a 20.000 egzimplåres, et va esse léjhowe pattavå l' Walonreye, årvier des ôtes sicrijhaedjes e walon, ki n' si vindèt ki dins leu ptite coine. Emey les ôtes alboms da Walthéry ratournés e walon: “Tchantchès” (1988), et l' rîlêye “Li ptit bout d' tchike”, on persounaedje da Walthery, riprind e walon pa Mitteï. Dins totes ses binddimådjes, k' il est dessineu et sinnarisse, i mete mo voltî des mots-brut e walon, come bardaf° (li no del copagneye d' avion da Natacha), cwîk, evnd.

Dispoy 1993 i fwait ene novele séreye ki l' eroyinne si lome Rubine.

Po li ptite istwêre : ene di sès Natacha (La ceinture de Cherche-Midi) s' aspouye dissu "La ceinture noire" on Jacky èt Cèlèstin k' a parèxhu dins lès annêyes 60 è lès paedjes do Soir Illustré. L' "scenario" come l' idêye èstîne da l' ènondeû dès Rabulèts ! L' ome, muxhî dizo l' nom "José-Charles Ghislain", dins cès ans là a èto sicrît dès arandjemints d' BD po l' Dernière Heure èt l' Républicain Lorrain.