Codjowaedje

Sistinme di codjowaedje e rfondou walon

Li codjowaedje, c' est l' metaedje d' on viebe a tos les tins et a totes les djins.

Li codjowaedje d' on viebe si fwait tot-z acawant so on bodje di viebe ene cawete di codjowaedje. Li mot insi abocté si lome on codjowa.

L' acawaedje est l' minme po tos les viebes d' ene minme troke.

E walon eyet dins des ôtes lingaedjes, ls codjowaedjes shuvèt les môde indicatif, codicioneu, suddjonctif, cmandeu, pårticipe et djerondif.

Les codjowaedjes polnut candjî foirt dins les diferins accints do walon. Gn a toplin des racsegnes sol pådje des codjowaedjes e walon. Les pus crås studias so les codjowaedjes coinreces sont :

• Les codjowaedjes da Stasse (po Lidje)
• Les codjowaedjes da Gilliard (po Moustî)
• Les codjowaedjes da Francard (po Bastogne)

E rfondou walon, les viebes si codjownut pal voye des trokes da Hendschel. Li bodje do viebe pout candjî d' on tins a l' ôte (atuze des troes bodjes).