Male

Male est on payis d' Urope, en inglès eyet e maltès Malta; c' est ene iye metowe e fén mitan del Mîtrinne Mer, di 316 km² long et lådje, avou 400.000 dimanants.

Republike di Male
Repubblika ta' Malta
Republic of Malta

(Detays)
Lingaedje oficir	maltès eyet inglès
Mwaisse-veye	Li Valette
Prezidint	George Abela
Prumî minisse	Lawrence Gonzi
Sitindêye  - Totåle  - % aiwe	Classé 184inme 316 km² Neglidjåve
Populåcion  - Totåle (2003)  - Dinsité	Classé 165inme 399.867 dimorants 1.262 djins/km²
Indepindince do Royåme Uni	21 di setimbe 1964
Manoye	Lire di Male (MTL)
Coisse d' eureye	UTC +1
Imne nåcionå	L-Innu Malti
Dominne Internet	.mt
Indicatif telefonike	356

Istwere

I gn a-st avou des djins so l' iye dispoy 5.200 divant noste ere. Les Fenicyins l' ont lomé Malat, çou ki vout dire "poirt å rcoet". Les iyes ont stî shuvannmint dizo l' controle di Cartadje (400 divant noste ere), poy Rome, eyet les Arabes e l' anêye 870, ki vont pår marker li tuzance maltesse.

E 1127, c' est les Sicilyins k' arivèt et Male ridvént crustinne. E 1530 les iyes sont dnêyes ås Tchvalîs d' Sint Djhan d' Djeruzalem (asteure kinoxhous come les Tchvalîs d' Male), k' avént stî tchessîs foû d' Rôde påzès Turks.

Napoleyon evayixha les iyes e 1798, poy les Inglès e 1800. E 1814, al Påye di Paris, Male fourit oficirmint metowe come pårteye di l' Impire britanike. Ele s' endè dislaxha li 21 di setimbe 1964, et rdjonde l' Union Uropeyinne e 2004.

Djeyografeye

Mape di Male

Li payis est fwait d' l' iye di Male, li pus grande, del cene di Gozo, di mitan pus ptite, eyet del tote pitie Comino metowe inte les deus; les iyes sont e fén mitan del Mîtrinne Mer.

Ele si trove a nonne del Sicile, dispårteye pal sitroetere di Male.

Difoûtrinnès hårdêyes

• Waibe avou des fotos d' l' iye di Gozo
• Videos d' l' iye di Gozo / Malta
• Malta travel guide
• Malta holidays information
• Malta TV
• Malta Travel Guide