Sustantif : Diferince etur modêyes
m r2.7.1) (robot radjouter: tg:Исм (дастури забон) |
m r2.7.1) (robot radjouter: ky:Зат aтооч |
||
Roye 96: | Roye 96: | ||
[[ko:명사 (품사)]] |
[[ko:명사 (품사)]] |
||
[[krc:Ат]] |
[[krc:Ат]] |
||
[[ky:Зат aтооч]] |
|||
[[la:Nomen substantivum (grammatica Latina)]] |
[[la:Nomen substantivum (grammatica Latina)]] |
||
[[li:Zelfsjtendig naamwoord]] |
[[li:Zelfsjtendig naamwoord]] |
Modêye do 19 avri 2012 à 19:56
On sustantif ou cmon no, c' est on mot ki mostere ene sacwè, ene sakî, on sintimint, k' end a bråmint des parey(e)s.
Årvierdimint, on no prôpe mostere ene sakî ou ene sacwè k' end a k' onk u k' ene.
Les sustantifs candjnut e djinre (e walon, l' omrin et l' femrin) ey e nombe (e walon, singulî et pluriyal).
Des ôtes mots polnut djouwer li role d' on sustantif : c' est çou k' on lome li sustantivaedje.
- li dinner, å-z ôre des djins, li vete et l' setch, c' est èn abateu di stårés.
Ene sustantivire fwait l' minme bouye k' on cmon no, mins c' est sacwants mots todi metous eshonne.
- C' est on dji-n'-vou-dji-n'-pou
Acpagnmint des sustantifs
Li sustantif est sovint metou dirî on prezintoe (u ene prezintrece). Li pus corant est l' årtike (li, el, on, ene, les, des). Mins gn a eto les prezintoes d' apårtinance (mi, èm, ti, èt, vosse, vo, si, ès, nosse, leu, mes, tes, ses, nos, vos, leus), di mostraedje (ci, cisse, ces, cesses), des prezintoes nén definixhants (sacwants, sacwantès, kékes, nou, nole...)
Li sustantif pout esse espliké pa :
- èn addjectif (u sacwants) :
- on bea tchvå; on bea novea tchôd paltot.
- on disterminant :
- li tchvå dås cwate fis Aimon.
- ene fråzlete aloyeye å no :
- li tchvå k' a tchai a l' ostake.
Plaece dins l' fråze
Li sustantif pout esse li sudjet u l' coplemint d' on viebe.
- Li meur va croûler
- Il ont remolou l' oto.
Rålmint, i pout fé ene fråze a lu tot seu.
- Asteme !
Stîle å sustantifs
Li stîle ås sustantifs, c' est ene manire di scrire (ou d' cåzer, po les raprindisses) la k' eploye bråmint des sustantifs.
Ci stîle la ni va waire avou l' walon ki waite sovint di replaecî les sustantifs pa des viebes.
- Saye d' esse a l' areyopôrt divant l' arivaedje di l' avion => :Saye d' esse a l' areyopôrt divant ki l' avion n' arive.
Hårdêyes difoûtrinnes