Bedots : Diferince etur modêyes

Èn årtike di Wikipedia.
Contenu supprimé Contenu ajouté
MerlIwBot (copiner | contribouwaedjes)
m robot radjouter: gn:Ovecha
TjBot (copiner | contribouwaedjes)
m r2.7.2) (robot radjouter: pdc:Sheep
Roye 141: Roye 141:
[[oc:Ovis aries]]
[[oc:Ovis aries]]
[[pam:Tupa]]
[[pam:Tupa]]
[[pdc:Sheep]]
[[pl:Owca domowa]]
[[pl:Owca domowa]]
[[pnb:پیڈ]]
[[pnb:پیڈ]]

Modêye do 25 setimbe 2012 à 19:13

On bea crås bedot el Walonreye (dandjreus on croejhmint Sufok)

Les bedots u ovrins u motons, c' est on no po djåzer d' ene aclevåve biesse, on roemiant k' on lome sincieuzmint Ovis aries, et ki, dins l' lingaedje corant, a on diferin no, sorlon si ådje eyet si seke :

  • "berbis" po les frumeles k' ont ddja agnlé.
  • "berå" u "bazin" u "bassî" po les måyes ki plèt siervi.
  • "oviete" u "bedêye" po les frumeles ki vont divni des berbis (di 6 moes disk' å prumî agnlaedje). Les måyes del minme ådje sont lomés les "antneas".
  • "agnea" po les djonnes nén co spanis. S' i gn a deus, on dit d' tchaeke ene "djermale". Cwand i sont pus grands, u s' i gn a d' totes les ådjes, on dit les "bedots".

Les bedots sont-st aclevés dins des bedjreyes. Li ci et l' cene ki les moennèt paxhe sont lomés bierdjî et biedjresse.

Les motons sont-st aclevés po leu linne, et leu tchå, rålmint po leu laecea.

Alez s' vey sol Wiccionaire po des linwincieusès racsegnes so les mots "bedot", "ovrin", "moton", "bierdjî" et "biedjreye".

Mopliyaedje

Ene berbis, croejhlêye Lacaune x Demman k' a fwait cwate djonnes (å Marok)

Normåldimint, li berbis va a berå (on dit eto : k' ele basnêye, k' ele berote) on côp l' an, å moumint k' les djoûs kiminçnut a discrexhe. Come les vatches, l' esminçaedje ni deure ki deus sgondes.

Li berbis va cink moes. Ele agnlêye onk, deus u disk' a troes cwate agneas, a l' assulon des raeces. I vont teter troes cwate moes. Come ele n' a k' deus tetes, i fåt nouri les troejhinmes agneas al botaye.

Les ovietes polèt ddja aler a berå a 12-15 moes.

Raeces

Aclevaedje des bedots el Walonreye

Berbis in Itåleye

Il a bråmint discrexhou å cmince do 20inme sieke, cwans li scole a divnou oblidjeye. Ca c' sesteut sovint les efants k' alént moenner les berbis å tchamps u (pus vî) dins les bwès.

Asteure, c' est purade des ptits avlevaedjes, bråmint come pasmint d' tins. E 2007, gn aveut 50.000 berbis, et 5600 acleveus. Ça fwait des tropeas di moens ki 10 berbis pa berdjî.

Aclevaedje des bedots sol Daegne etire

Mape des payis acleveus d' bedots

Li bedot s' acleve dins bråmint des payis, des froeds payis Iyes Ferowé disk' å setch payis (Afrike bijhrece). I vike eto voltî dins les montinnes.

I n' sait sopoirter les payis tropicås, di cåze del crouweur ki dmeure dins l' linne, et amoenner totes sôres di maladeyes. Mins il î vike cwand minme sacwantès raeces sins linne.

Li bedot dins les rlidjons

Les Djwifs ont ene dujhance di touwer on bedot a Påke. L' uzance a stî rprinjhe pa les crustins (a Påke eto) et pa les Muzulmans fiesse do bedot.

Li bedot come biesse sayrece

cwarmeus disguijhîs e motons po xhiner l' clonaedje å Cwarmea d' Måmdey.

C' est avou on bedot k' on-z a adiercî l' prumî clonaedje di grossès biesses. Li clonêye bedêye fourit lomêye "Dolly".

Hårdêye divintrinne

Bubiri]]