Johannes Gutenberg

Johannes Gensfleisch zur Laden zum Gutenberg (anêyes 1390 - 3 d' fevrî 1468), fourit l' edvinteu di  imprimaedje modiene, avou des caracteres mobiles e melkin di metå, des intches a båze d' ôle eyet des presses inspirêyes des cenes eployeyes dins l' fijhaedje do vén. Li pus grande avancêye c' est les caracteres mobiles, la ki disk' adon on imprimive e l' Urope pa plantches etires.

Gutemberg vina-st å monde a Mayince (Mainz), fi d' on martchand lomé Friele Gensfleisch zu Laden, ki pus tård srè lomé eto "zum Gutenberg" d' après l' no d' ene måjhone wice kel famile ebaga.

Les Chinwès eyet les Coreyins kinoxhént ddja adon l' imprimaedje pa blocs, et minme les caracteres mobiles, mins on n' sait nén si Gutemberg kinoxheut ces tecnikes la, oudonbén s' i ls a edvinté di s' costé.

Les novelès ey eficientès metôde d' imprimaedje da Gutenberg ont moenné a on grand crexhaedje do produjhaedje di tecses e l' Urope. Les Bibes di Gutenberg, e latén, ont stî l' prumî produjhaedje di masse, a pårtî do 23 d' fevrî 1455 et fini e 1456, sacwantes di zels ont sorviké disk' enute.

Dins l' veye di Mayince on trove ene posteure di Gutenberge, fwaite pa l' årtisse Bertel Thorvaldsen, eyet eto li Muzêye Gutenberg.