Oscar Pistorius

a Daegu (2011)

Oscar Pistorius, c' est on coreu a pî ki n' a pupont d' djambes. Èç-n ome la est Sud-afrikin. Il a vnou å monde a Pretoria li 22 d' nôvimbe 1986.

I court avou deus protezes di carbone fwaites esprès por lu.

Il a corou e spôrt po disfoircî, mins a corou avou les valides a pårti di 2005.

Vicåreye

El pitit Oscar aveut a poenne onze moes cwand on lyi a côpé les deus djambes djusse padzo les djnos.

E 2004, i comince a fé del coûsse a pî adon k’ i s’ aveut cassé l’ djino å rugbi. Divant ça, il aveut minme cachî a fé del bocse.

Pålmaresse

E moes d’  setimbe 2004, i wangne ene prumire medaye ås Djeus parolimpikes d’ Atene.

L’ ome s’ a cwalifyî po les Mondiås 2011 a Daegu, el Corêye do Sud. Il a stî sôrti e dmey-finåle do 400 metes, mins a stî medayî po s’ pårticipåcion å 4 côps 400 metes.