Codjowaedje waitî

Li codjowaedje di waitî, c' est l' essegne po codjower les viebes erîlés del deujhinme troke da Hendschel. On-z a eto eployî come essegne "lodjî". Po codjower "bouter", on stitche ene cawete di codjowaedje après l' bodje lodj-.

Les cawetes di codjowaedjes des viebes del deujhinme troke sont les minmes ki les cenes del prumire troke, apus ki :

• a l' atôchî (poli) di l' indicatif prezintrece (et ås tins et djins kel shuvnut), li cawete est -îz (et nén -ez) :

vos waitîz, i fåt ki vos cmincîxhe, saetchîz comifåt !

(eto, l' indicatif prezintrece a l' minme cogne ki les indicatifs erireces, durants et nén durants : vos waitîz = F. vous logez, vous logiez, vous logeâtes).

• Ås singulî do NDIE (imparfwait), les cawetes sont -ive, ives, ive (et nén -éve, éves, -éve).

Viebes erîlés so "waitî"

C' est tos les viebes ki leu cawete d' infinitif, c' est -î, Les viebes kel dierinne cossoune di leu bodje, c' est -ss-, -c-, -tch-, -dj- et -y- sont bråmint pus sovint rfondous come viebe del deujhinme troke ki come viebe del prumire troke :

• poussî, dressî (disfondowe : poûsser, dresser).
• kimincî, apicî : (disfondowe : cumincè, apicè).
• saetchî, (disfondowe : satchè).
• tcherdjî (disfondowe : tchèrdjè).
• spiyî (disfondowe : spiyè).

Dirîlés viebes del deujhinme troke.

• les viebes del troejhinme troke, ki leu cawete d' infinitif, c' est -Cossoune + yî.
• les viebes ki l' dierinne cossoune candje pacô divant voyale:
  • Viebes avou on shuvion -ssî å coron : poûssî.
  • Viebes avou on shuvion -kî å coron : tchôkî.
• Les viebes ki candjnut d' voyale å dierin pî : grevissî

Codjowaedjes coinreces

• Infinitif.
  • come les ôtes lons I, li cawete di codjowaedje di l' infinitif divént -i dins l' payis di Flipveye et d' Dinant :couminci (Flipveye), kiminci (Dinant).
  • Cisse troke la n' esgistêye nén dins l' Mîtrinne Årdene, elle est replaecêye pa des cawetes di cosjowaedjes del prumire troke:

kumincè (Sint-Houbert, Tchestrolès)

kumincer (ban d' Libin).

Hårdêye difoûtrinne

• Tåvlea d' codjowaedje des viebes erîlés del deujhinme troke.