Sint-Nicolai (fiesse)

Pol discramiaedje des årtikes avou l' mot « Sint-Nicolai », loukîz cial.

Sint-Nicolai el Swisse

Li Sint-Nicolai, c' est ene fiesse des efants el Beldjike (Walonreye & Flande), el Lorinne, el Holande, e l' Almagne. Ele si passe li 6 di decimbe, li djoû k' on dit ki l' vraiy sint Nicolai a morou.

Discrijhaedje del fiesse

Li persounaedje da Sint-Nicolai est djouwé pa èn ome avou ene blanke båbe et on rodje mantea. I vént so èn ågne, avou on bassa plin d' bistokes.

Il est acpagnté di Hanscroufe (ou Pere Fwetård), ki va scoryî les efants ki n' ont nén stî saedjes.

Il apoite des djouwets et des gueuzreyes ås efants (leu sint-Nicolai) k' il a tcherdjî so s' bådet. Apeume des nicnaks.

I passe pal fouwire, et lzès mete å pî do feu e l' aisse. La, les efants ont metou leus solés, et des raecenes por lu dner a si ågne.

Cwand i vént po tote ene trope di djin, i fwait des côps ene arivêye saizixhante (e batea, e-n areyoplane...).

Dischindant del Sint-Nicolai

Les ebagants holandès evoye e l' Amerike rivolît fiesti l' Sint-Nicolai après kékès anêyes passêyes låvå. Mins i n' savént pus l' date. Ça fwait k' il ont askepyî li persounaedje do Pere Noyé k' il ont fwait vni so Tere li 25 di decimbe. Lu, i tchedje ses bistocaedjes so des renes.

Rireyes a dire al Sint-Nicolai

Dji vén d' etinde so "Vicansté" ki l' sint Nicolai dene 1000 € po l' ci ki rtrovrè s' bådèt... Si vos m' è dnez dpus, dji n' lyi dirè nén ewou ki vs estoz!

Alére

• Li floriconte da sint Nicolai, Li Chwès, moes d' decimbe 2009 p. 12.
• Cours di mames a rvinde, ene des noveles di "Eviè Nonne

Hårdêye divintrinne

tchanson d' Sint-Nicolai

Hårdêye difoûtrinne

Tecses e walon sol Sint-Nicolai (so l' Aberteke)