Sicrijheu redjonalisse

On scrijheu redjonalisse, c' est on scrijheu d' romans ki plaece ses persounaedjes dins on metou payis, sovint on viyaedje. Et ndè profiter po djåzer del vicåreye dins les campagnes, foirt diferinne do vicaedje estandård k' on trove dins les ôtes romans, ki s' pasnut å pus sovint dins l' monde des veyes.

Les scrijheus redjonalisses polnut scrire dins on lingaedje dilérin (come Mistral u Ignazio Buttitta). Mins i polnut eto, po-z esse kinoxhous et vindous, scrire dins on lingaedje oficir (Jean Gionno, Jean Mergeai).

E walon, bråmint des scrijheus d' romans sont des redjonalisses, veyanmint k' li sinne si passe dins on metou viyaedje. A Nåwinne po Joseph Calozet, a Dorene po Auguste Laloux, dins l' Condroz po Jean-Pierre Dumont, dins l' payis d' Tchålerwè po Henri Van Cutsem.

Portant, dins le anêyes 2000, les noveas romans e walon ni sont pus si telmint aloyîs a on metou viyaedje et s' pôrént passer e mwintès plaeces el Walonreye (Lucyin Somme, Emile Gilliard). Sacwants scrijheus plaeçnut minme leus eros dins des forveyous viyaedjes (Lorint Hendschel, Chantal Denis, Lucyin Mahin).

Sacwantès fôres ås lives del Walonreye (come li cene d' octôbe a Rdû) sont-st ecorinnêyes so des scrijheus redjonalisses.