Famile

Pol discramiaedje des årtikes avou l' mot « Famile », loukîz cial.

Famile nombreuse e 1567

Ene famile, c' est l' rashonnaedje des djins ki sont directumint parints onk avou l' ôte.

Li nawea del famile, c' est li pa, li mame, les efants, et kécfeye, les grands-parints.

Pus lon, gn a les mononkes et les matantes, les cuzéns et les cuzenes.

Co pus lon, les mononkes-tåyes, les matantes-tåyes, les cuzéns et cuzene des parints, les bea-parints, evnd.

Si on s' vout racuziner, on trouvrè cobén des parints al deujhinme, troejhinme et cwatrinme botnires, et pår des cis do costé del viye gregne.

Li mwaisse såme del famile, dins bråmint des societés, c' est l' aclevaedje des efants.

Sôres di familes a pårt

• famile nombreuse
• famile d' afiyaedje (po èn orfulin)
• famile d' ascoye (po èn efant ki ses parints sont rascråwés)
• famile a on seu parint
• famile omoparintrece
• Sinte Famile (rilidjon crustinne)