Djiblou (corinveye)

Djiblou, c' est ene veye del Walonreye, e F. Gembloux, e flamind Gembloers, k' a divnou li cinte d' ene intité.

Essegne del veye, emey des fleurs

• limero del posse: 5030 (vî limero 5800)
• limero diyalectolodjike: Na 22
• Lomaedje et spotaedje des djins:
  • lomaedje: Djiblotins (on Djiblotin, ene Djiblotinne)
  • Sipotaedjes:
    • Les Borikets (so plaece: Bourikets) pask' i serént tiestous.
    • Les Couteas d' bwès (a cåze d' ene oujhene di couteas).

A vey

Li Cloke-Pôrte et l' Otel di Veye

Li Cloke-Pôrte di Djiblou a stî rashiou å Patrimoenne do Monde pa l' UNESCO.

No des plaeces di Djiblou

Ancyins hamteas

Sitroete plake sol molén d' l' Eschaye, avou on rap e walon tchanté pa des efants d' Djiblou eyet Djôzef Lahaye

• Tchapele-Diè.
• Coclet
• Coulot (so plaece: Culot);
• Innêye (so plaece: Enée).
• li Molén d' l' Eschaye (e F. Lescaille);
• ås Åwes (e F. Oies).
• les Cwate Cwéns (e F. Quatre-Bras): c' est la k' les voyes Nameur Brussele et Tongue-Mont si croejhlèt. Cisereut ddja la l' etimolodjeye di Djiblou (latén geminiacus : del djermale, metou so ene djermale di voyes).
• Tot-vint (e F. Tout-Vent): plaece k' il î shofele foirt.
• al Vôte (e F. vote).

Li Måjhone di Veye (Måjhone do Bayî - XIIe sieke)

Coine nôr-coûtchant del Måjhone do Bayî

Nos d' plaeces

• A vey avou sint Gubiet.
  • Bouxhon Sint-Gubiet (so plaece: Bouchon Sint Gubert).
  • Gubiet-rowe (so plaece: Gobièrëwe).
  • Toû Sint Gubiet (so plaece: Tou Sint Gubert).
• Ôtès plaeces
  • Boirdea (so plaece: Bordia).
  • Brutea (so plaece: Brûtia)
  • Bwès ås biès;
  • Couturale (so plaece: Cuturale)
  • voye del Boteye.

Istwere

Ebagance do 19inme sieke

Gn ava des djins d' Djiblou po-z ebaguer eviè l' Wisconsene sol difén do 19inme sieke.

Guere di 1940-1945

Gn a yeu la li Batreye di Djiblou, li prumire batreye di tanks inte les Almands et les Francès al guere 1940-1945.

Tuzance walone

Sicrijheus e walon

• Jean de Lathuy.
• Lucyin Somme (k' a stî lomé citweyin d' oneur del veye).
• Yves Paquet

Raploûs d' waloneus

Inte 1998 eyet 2002, Djiblou fourit l' plaece des "Soçnaedjes del Rantoele", fwait pår e walon, avou des politikîs u des sincieus.

Hårdêye difoûtrinne

• Sacwants vîs mots avou l' accint walon d' Djiblou.
• Pådje des soçnaedjes di Djiblou, adjinçnés pal S.N.R. Li Rantoele