Jean-Luc Fauconnier

(e 2004)

Jean-Luc Fauconnier (riwalnijhåve Djan-Luk Fåcnî) a skepyî e 1941. C’ est on scrijheu e walon.

Il a stî rprins dins l' antolodjeye «Scrire».

C’ est eto on bouteu pol walon, come moenneu d' l' A.L.W.A.C., mwaisse sicrijheu do "Bourdon" eyet come prezidint do Conseil des Langues Régionales Endogènes.

(e 2008)

Ouve e walon

Come sicrijheu, il a-st eplaidî :

• des romans
  • Li djoû k' i plourè des pupes di tere (1992).
  • Li Noeråde (2014)
• des lives di sovnances come escolî
  • Avou ene pougneye, on nd a plin s' mwin (1986)
  • Semdi (2004)
• des pinsêyes
  • Les biestreyes da Miyin do coulot (1998).
• des lives d' imådjes
  • Cokea eyet Mwaisse Cok (tome I, 2002, tome II, 2007, tome III, 2013)
  • Fåvetes (2009)
  • Miyin eyet Morice (2011, ratourné da Wilhelm Busch).

Jean-Luc Fauconnier et les idêyes ravicantisses

Jean-Luc Fauconnier est adrovou halif halof åzès idêyes ravincantisses :

• I vout kel walon, avou li walon do Coûtchant, soeye ene langue, et nén on « patwès ».
• I mete do walon dins ses spitches.
• I cwirt a fé rexhe li walon foû des guetos waloneus, boutans avou l' enondaedje del Måjhon des Walons (1997), et a fé crexhe les rvowes e walon (boutans, på radjondaedje do Bourdon et do Moxhon d’ Ônea e djanvî 2004.
• I cåza tenawete do rfondaedje dins l’ Bourdon : metans, après li djournêye UCW a Tchårlerwè sol rifondaedje e 1996 ; et po-z î anoncî on ratournaedje e rfondou d’ on powinme e sicilyin (2001).

Nerén :

• I sina li papî da Jean Lechanteur ki rfuze les noûmots, li rfondaedje eyet li statut d’ lingaedje å walon (1996).
• Come prezidint do CLRE, i rfuza minme 1 uro simbolike po-z aspoyî l’ esplicant motî do walon. Et n' måy accepter li rfondou walon come ortografeye possibe po les pris del Federåcion Walonreye-Brussele.