Badjimont

Badjimont (fr: Bagimont) est èn ancyin ptit ban del Walonreye, e payis tchampnwès, rebané avou Vresse et k’è don passé dul Province du Lucsambourg al Provine du Nameur.

• Dimorants: (Badjimonès, Badjimonesse)
• Limero del posse: 5550
• Limero diyalectolodjike: Ne 65
• Arondixhmint: Li Tchestea
• Nos di des plaeces di Badjimont: li Mintchenoe (lu / ou Mintchènwa).
• Stinduwe : 378 Ha., dont 155 Ha. du bwès d’ comune.
• Altitude : 360 m. à l’èglijhe
• Eplaeçmint sol Daegn : 49°49’55 N – 4°52’33 E.
• Dimanants : 136 (1817) ;160 (1821) ;193 (1893)
• Sipotaedje : -
• Canton : Djedene
• Arondixhmint ; Dinant
• Province : Namur
• Payi : Beljike.
• Vîs scrijhas : Bagimont
• Ecarts : Ås essarts.
• Êwes : On dit ku, pou les goutîres du l’ èglijhe , yène mon.ne l’êwe à la Smwas, l’ôte à Mouze.
• Eglijhe : dèpandot dul paroche du Neufmanil .(F) Ruvnu ou diocèse du Nameur an 1823
• Patron : Sint Jean-Baptiste
• Dicåce : dimègne après l' 24 du jwin
• Sourdant : Tandel VI a, 1893

Badjimont est li seu pont sol payis tchampnwès d' Beldjike; i n' a nén stî studyî påzès inketes diyalectolodjikes da Jean Haust.

Etimolodjie

Bagi catchrot in patronyme (Prat)

Histwere

Ou XIII° s., fief d’ Orcimont poul viyaedje et du Bohan poul bwès d’Haméchenoit . Passe par après ou Sègneur Bois de Fiennes jusk’ al rèvolucion.

• An IV, 25 fructidor, comune de Suny, canton de Neufmanil (F), dèpartemant des Ardènes.
• 1815 6 djanvî, passe du canton de Méziéres (F) ou canton de Bouyon. (B)
• 1823, comune du Suny.
• 1859, 24 du mêy, duvint comune.
• 1965, rupasse à Suny.
• 1977, rabané avu Vresse, à passant dul Province du Lucsambourg al Province du Nameur.

La pwêre du Badjimont

Proverbe fwârt counu des buveus d’ goute, ki n’ hèsitint wêre à bwâre 3 goutes putot k’ deus. Du là, la pwêre du Badjimont.