Payis d' Lidje (diyalectolodjeye) : Diferince etur modêyes

Èn årtike di Wikipedia.
Pablo (copiner | contribouwaedjes)
sins tot cåzant d' istwere (=principåté d' Lidje)
m Payis d' Lidje displaecî viè Payis d' Lidje (diyalectolodjeye): dismacralaedje
(Nole diferince)

Modêye do 3 djulete 2006 à 23:57

Li Payis d' Lidje u Levant walon, u Ess-walon, e diyalectolodjeye walone, c' est ene sitindêye ki va a pô près come li province di Lidje, mins ki rprind eto sacwants viyaedjes del Bijhe del Province do Lussimbork, åtoû del Viye Såm.

Li Payis d' Lidje est sovint aroyî come li stindêye k' on-z î eployive li mot noret e 20inme sieke.

L' accint do payis d' Lidje est l' ci k' a yeu l' pus d' pwès cwand on-z a apontyî les sistinmes d' ortografeye do walon.

Cwand on cåze d' istwere, on eploye eto l' ratourneure Payis d' Lidje po cåzer des teres k' apårtinént al Principåté d' Lidje.

Les motîs do Payis d' Lidje

Li motlî do payis d' Lidje est onk des mî raspepyîs, metans dins li motî walon-francès da Jean Haust, k' a sovint siervou come sistinme di rfondaedje po tos les scrijheus di ces payis la. E 20inme sieke, gn a yeu foirt waire di tecses sicrîts dins cisse sitindêye la, et ki notèt l' accint di leu pårler, apus ki pol Payis d' Måmdey.

Les scrijhaedjes do payis d' Lidje.

Les scrijhaedjes do payis d' Lidje sont-st eto dins les pus vîs. Bråmint des paskeyes sont scrîtes avou des accints did la (nén todi li ci di Lidje minme). Les Noyés walons eto.

Å 20inme sieke, li fjhaedje di pîces di teyåte e walon î a stî l' pus florixhant di tote li Walonreye. Les belès letes les pus må rprezintêyes avou l' accint lidjwès, c' est co les romans.

Å cmince do 21inme sieke, gn a cmincî on movmint di scrijhaedje di prôze nén racontrece avou l' accint d' Lidje, purade åtoû des rivowes Nosse lingaedje eyet Djåzans walon.

C' est eto avou des accints do Payis d' Lidje k' i gn a yeu les prumîs rmetaedjes e walon des Evandjîles.

Sacwants accints e Payis d' Lidje