Emîsseure

Èn årtike di Wikipedia.

Po des linwincieusès racsegnes sol mot "emîsseure", alez s' vey sol Wiccionaire

so d' l' avoenne

L' emîsseure[1] (on dit eto : el rouye), c' est ene maladeye ås tchampions microscopikes, k' adjond copurade les dinrêyes, mins ossu toplin des ôtès plantes.

Discrijhaedje[candjî | candjî l’ côde wiki]

L' emîssêye dinrêye est come pikêye di des brunes ou des djaenès taetches, come des erunixheures, so les buks et les foyes.

Les emîsseures des dinrêyes, c' est puvite des tchampions del famile des Uredinalae.

Li rouye pout ataker eto le verdeures come li celeri. Dins l' lingaedje corant, on dit: les celeris ont «l' maladeye».

Li rouye rishonne ene miete a l' alternarioze, k' est rascråwêye pa on parint do mildiou (ci famile la n' est pus rwaitêye come des tchampions microscopikes å djoû d' ouy).

Mediaedje des rouyes des dinrêyes[candjî | candjî l’ côde wiki]

Gn a bråmint des towe-tchampions (fondjicides) ki rotnut siconte del rouye, inte di zels, l' azossistrobene, li metil-tiofanate eyet l' carbindazene.

I fåt medyî divant k' les dinrêyes ni påtexhe, ôtmint, les spores åront ddja ataké les grins. Li mî, c' est tins do stindaedje (montaedje a påte). Cwand gn a bråmint do risse, on pout eto médyî deus côps, å fortchaedje et l' deujhinme côps djusse divant l' florixhaedje.

Ene dinrêye médieye siconte des rouyes pout rinde cåzu l' dobe ki ene nén médieye. Les grins sont bråmint pus gros, et pus beas. I s' vindèt bråmint mî.

No dins les ôtes lingaedjes[candjî | candjî l’ côde wiki]

  • francès rouille (k' a dné l' no walon).
  • arabe marokin harraguiya (li ptite brouleuse).
  1. O4 (inmîssur')