Marius Staquet

Èn årtike di Wikipedia.

Marius Staquet, c' esteut on teyåtreu e picård, k' a fwait s' cårire a Moucron.

Il a skepyî a Sint-På (dilé L' Lovire) li 2 d' octôbe 1920.

Il a morou li 31 d' awousse 1985.

Biyografeye et ouve pol picård[candjî | candjî l’ côde wiki]

Studes et cmince di s' cårire[candjî | candjî l’ côde wiki]

Il a studyî l' muzike ås conservatweres di Mont et d' Brussele et fé des prumîs pris.

Adon, i scrît des operetes, come sicrijheu-compôzeu (e walipicård).

E 1951, i vént dmorer a Moucron, et continowe a djouwer teyåte.

A Moucron[candjî | candjî l’ côde wiki]

E 1963, Moucron eyet Comine sont raloyîs al province do Hinnot, et Staquet tuze k' i fåt mete so pî ene dramatike e picård. Mins lu n' saveut cåzer picård ! C' est adon k' i rescontere po «picårdeu», André Demeyère. Va ndè nexhe ene soce, li «Théâtre wallon mouscronnois», avou Marius come sicrijheu, André come ratourneu e picård, et li feme Staquet, Viviane, come essinneuse.

Adon, ci fourit 27 pîces et rvuwes k' el trope va-st amonter. Elle est sotnowe pa l' RTBF k' endè va prinde 18 captåcions.

Les pîces fourît sovint rimetowes e walon, et djouwêyes tocosté.

Sacwantès pîces da sinnes[candjî | candjî l’ côde wiki]

  • "Plomes, plomes… tralala"
  • "Alez ! Leyans lzès ndaler"

Ricnoxhance[candjî | candjî l’ côde wiki]

L' aisse del tuzance di Moucron poite si no, come li dramatike, ki s' lome «Compagnie Marius Staquet».[1]

Si ouve serè porshuvowe pa Christian Derycke, avou l' minme succès a Moucron, et tocosté e l' Walonreye.

Sourdant[candjî | candjî l’ côde wiki]

  1. Christian Derycke, Dépêche de Wallonie, 16 di setimbe 1995, p. 35.