Omonimeye

Èn årtike di Wikipedia.

Po des linwincieusès racsegnes sol mot "omonimeye", alez s' vey sol Wiccionaire

Des omonimes, c' est des mots ki s' prononcèt del minme façon, et ki polèt esse parints u nén. I s' polèt scrire u nén del minme manire.

Des omofones si prononçèt del minme façon.

Les omonimes siervèt voltî a fé des djeus d' mots.

Egzimpes d' omonimes[candjî | candjî l’ côde wiki]

  • souke et sacwants codjowas et parints do viebe "souker". Did la, li djeu d' mot:
Vloz do souke ? Neni dji souke assez.
  • asse
    • L' asse, c' est ene maladeye des djins, k' on lome eto li coûtresse d' alinne.
    • Èn asse, c' est eto on coir ki lût e cir, come li solea, li beaté, les stoeles.
    • Dins sacwants accints do walon, on prononce aisse asse.
    • Si prononce-t on on hasse (di djeu d' cwåtes): èn as' .
    • Gn a, avou, l' omofoneye avou l' codjowa ass ? (est çki t' as ?, cawete -ss).
Ass dedja tot fwait ? Ass magnî tes compires ? Ass veyou l' torea ?
  • Dins l' cas d' måle, les 3 omonimes ont ene croejhete diferinne:
    • måle est femrin sustantif (del måle, c' est ene sôre di tere castinnixheuse).
    • ene måle djambe = ene mwaijhe djambe (addjectif).
    • Dins sacwants accints do walon, on prononce måye maule, mâle.
On måle d' agaesse est l' minme k' ene frumele (omrin sustantif).