Tankete

Èn årtike di Wikipedia.

Ene tankete, c' est on ptit tank, po deus djins (i gn a-st avou des prototipes po ene seule djin). D' åbutude ele n' a nole tourete, ou s' end aveut ene, ele esteut bodjeye al mwin. L' årmumint esteut å pus sovint d' 1 ou 2 mitrayeuses, pa des côps mins nén sovint on canon di 20mm. Les tanketes fourît fabrikêyes inte 1930 eyet 1935, mins on n' end a pus fwait après, la k' ele n' estént nén télmint ahessåves eyet esse foirt foirt vulneråves.

Sôres di tanketes[candjî | candjî l’ côde wiki]

Li tankete Mk. VI[candjî | candjî l’ côde wiki]

Li tankete britanike Carden-Loyd Mk. VI fourit li modele di tankete ki bråmint d' ôtès tanketes ont stî copieyes disseu.

Li tankete T-13[candjî | candjî l’ côde wiki]

C' esteut ene tankete di l' årmêye bedje e 1940. Elle aveut on canon 4-7, ki saetchive des obus avou ene tiesse en alouminiom, avou l' ponte rissoyeye, ki si spotchént sol blindaedje do tank innmi, et l' fé potchî (dabôrd ki les obus a pontowe tiesse polént rdjibler sol blindaedje sins fé nou damadje).

Ôtès sôres[candjî | candjî l’ côde wiki]

  • Itålyinnes: CV-33 eyet CV-35
  • Polonesses: TK-3 eyet TKS
  • Sovietike: T-27
  • Djaponesse: Sôre 94 TK (九四式軽装甲車) (avou ene tourete pivotante)
  • Tchecoslovake: vz.33