Tcherbon des tchås
Li tcherbon des tchås, c' est ene maladeye des bovrins cåzêye pa Clostridium chauvoei, ene clostrideye.
I s' atrape, mins ni s' prind nén d' ene biesse a l' ôte.
Senes del maledeye[candjî | candjî l’ côde wiki]
Tot e-n on côp, ene plaece so on musse (dos, sipale, coxhe) si mete a houzer teribmint. Li biesse leve li djondowe pate.
Å sinta, li houzé boket est rimpli d' gåz.
Li biesse creve dins les 24 eures.
Minêyolodjince[candjî | candjî l’ côde wiki]
Li maladeye si rescontere a môde di ptitès minêyes. Sovint après des grossès plouves. On n' comprind nén co bén pocwè, veyanmint k' ele ni s' prind nén. Dandjreus ki des spôres ki sont dins tere sont tcherieyes pa les corantès aiwes avå les pasturaedjes.
Médyince[candjî | candjî l’ côde wiki]
On pout médyî avou des antibiyotikes del sôre des penicilenes. On a des rzultats si on s' î prind yeure assez.
Après côp, i fårè motoit råyî les moitès tchås.
Espaitchance[candjî | candjî l’ côde wiki]
Eplocter avou on vaccins disconte Clostridium chauvoei (sovint dedja dins les eploctas di l' interotocsemeye des bedots, ki vont eto po les grossès biesses.
