Sistinme d' operance

Èn årtike di Wikipedia.
Potchî a: naiviaedje, cweri

Li sistinme d' operance, c’ est l’ mwaisse programe ki fwait tourner tos les programes d' ene copiutrece.

Les pus cnoxhous des sistinmes d' operance, c' est "Windows" da Microsoft ou co bén "Mac OS" (po Mackintosh). Ces deus la sont dizo abondroets. Et pu, gn a Linux k' est on libe libe sistinme.

On pout aveur onk u sacwants sistinmes d' operance sol minme éndjole. I fåt relire onk u l' ôte å moumint k' on-z esprind l' copiutrece.

Candjmint d' sistinme d' operance[candjî]

Po fé ene saye di candjmint di sistinme d' operance, sins disbrôler li ci k' est ddja la, gn a l' piceure do "Live-CD".

C’ est ene plake lazer k’ on mete dins l’ copiutrece cwand on l’ aloume et k’ enonde l' novea sistinme (metans li "Linux walon-cåzant SuSE") sins rén astaler. Insi vs poloz sayî po vey si ça vos va et l’ astaler so vosse deure plake si vos l’ voloz. Si vos nel voloz nén astaler, vos distindoz l’ sistinme eyet l’ éndjole, vos oistez l’ CD et cwand vos resprindroz vosse copiutrece, tot rserè come divant, sins rén d’ astalé. [1]

Hårdêye difoûtrinne[candjî]

Sourdants & pî-notes[candjî]

  1. Jean Cayron, "Mi copiutrece cåze walon", divins Li Rantoele l° 47, waeyén-tins 2008.