Souchi

Foto d' ene boesse a souchis, ewou çk' on pout aveur, kécfeye, del såce soya.

On souchi, c' est èn amagnî djaponès. D' ayeur, li no « souchi » vént do lingaedje djaponès : 寿司.

Istwere

A l' atake, el souchi, c' est ene môde di wårder l' pexhon frexh po, aviè, èn an. On pinse k' i vént d' Chine. On l' åreut edvinté troes a cénk siekes divant l' nexhance di Djezus d' Nazarete. Télcô, on rmonte disk' a 700 padvant.

Les souchis modienes ni datnut k' do 19inme sieke. Tins del dijhnêye 1960, on cmince a vir des restorants djaponès k' endè propôznut so leus tåves. C' est ene miete a cåze di cist amagnî la k' on-z a pexhî trop d' rodjes tons. Tot rwaitant l' pexhon metou dzeu, les souchis å såmon sont-st ene edvincion norvedjinne des anêyes 1980.

Sôres

Hosomaki

Li hosomaki, c' est l' souchi, wice k' i gn a do pexhon u del verdeure å mitan. El ris s' mete åtoû do ceke cintrå. La k' al miercopete, on-z ertrouve ene noere sacwè. Çoula est ene setche ale.

Niguiri

Li niguiri, c' est l' varyisté ewou çk' on mete ene sacwè, å pus sovint do pexhon, ådzeu do ris. On radjoute do vinaigue sol rectangue di ris.

Souchirole

Li souchirole, c' est on souchi estazunyin. La k' e-n inglès, ça s' lome eto sorlon les redjons. Li djinre li pus peuprece dimane li « California roll ». Come di djusse, el souchirole vént d' on restorant djaponès do costé d' Los Angeles. Ichiro Mashita, el coujhnî, sreut ès-n' askepieu.

Tot rwaitant l' souchirole, lu-minme, c' est etur l' hosomaki ey el niguiri. I gn a do pexhon ubén del verdeure avou do ris åtoû. Al copete, on stitche ene gårnixheure come po les niguiris.