Strudjons
Les strudjons[1] u sturdjons[2], c' est ene famile di grands pexhons des doûcès aiwes. I sont magnåves.
Sincieus no d' l' indje : Acipenseridae
Sôres di strudjons
[candjî | candjî l’ côde wiki]Discrijhaedje
[candjî | candjî l’ côde wiki]C' est pexhons ki fwaiynut ordinairmint 2 a 3 metes di long. Mins li rcôrd, c' est set metes céncwante.
I n' ont pont d' dints, mins des côpantès lepes. I pôrént coixhî l' doet d' on pexhon.
Cwand i ene sacwè a magnî, i l' sayèt, et tourner åtoû divant di s' decider a l' apicî.
Vicaedje
[candjî | candjî l’ côde wiki]C' est des pexhons ki magnèt l' fond des aiwes. C' est po ça k' i n' ont pont d' foirts dints.
Pexhaedje
[candjî | candjî l’ côde wiki]On les sait pexhî avou des croketes po les tchéns. End a des a-pårt po les pexhons, pus ragostantes, mins pus tchires. On les sait eto amoircî avou des ptitès såcisses.[3]
Cwand li strudjon est apicî, i cmince a tourniker po-z espaitchî k' on rleve li pexhrece. Pacô, i potche foû d' l' aiwe. Fåt sayî d' el prinde dins ene grande sipoujhete u ene havroûle.
Dins l' lingaedje walon
[candjî | candjî l’ côde wiki]Li contrariaedje do strudjon cwand il est pris (i tournike po sayî di s' distraper) a dné li mot «strudjon» a onk ki va toltins conte les idêyes des ôtes. Did la, li viebe «strudjî»: awè tofer ses idêyes contråve des cenes des ôtes.
