Strudjon d' Urope

do dzeu, on n' voet nén si pontiante tiesse

Li strudjon d' Urope u sturdjon d' Urope, c' est ene sôre di strudjon voyaedjant ki crexhe e l' mer pu vni froyî dins les corantès aiwes di l' Urope (come les såmons.

C' est ses oûs k' on lome «caviår».

Sincieus no d' l' indje : Acipenser sturio

Spårdaedje

Li sturdjon d' Urope vikéve dinltins dins Mouze. Mins il a disparexhou divant 1850. I rmontéve disca Lidje, et dandjreus ossu disca Djivet. Il esteut si télmint rcwerou ki s' pexhaedje a dvou esse regluminté.

Pol djoû d' ouy, end a dins les pexhreyes ki produjhèt do caviår. Eto dins les vevîs di rcwerance, po sayî motoit d' endè rmete dins Mouze (come c' est l' cas avou l' såmon et l' åbeye). Did la, sacwants mier pexhons pôrént awè rpassé dins les rivires.

Discrijhaedje

Si coir est bron-vete, disca cåzu noer so li dzeu. Les flancs sont purade gris et li vinte est påle et minme blanc.

Il a on pontiant betch.

Les navurons do dos sont metous foirt lon erî sol coir.

I pout mzurer disca 6 metes et pezer 400 kg, mins li longueur ordinaire, c' est 1 mete 25, 1 mete 50.

I pout viker 100 ans. I dvént secsuwelmint maweur a 12, 14 ans po les måyes et 16 a 18 ans po les frumeles.

• 
  pexhî e 1896
• 
  e-n on muzêye
• 
  fotografyî e 2008
• 
  so on timbe di Litwaneye