Sumô

Li sumô (e djaponès 相撲, sumõ) c' est on spôrt di lûte djaponès ki deus pezants omes sayèt di s' tchôkî l' onk l' ôte foû d' on ceke dessiné al tere. Les lûteus sont lomés sumôtori.

Å pus sovint c' est l' lûteu l' pus pezant ki wangne; c' est pocwè po divni pus crås, les lûteus magnèt ds amagnîs speciås ki ls aidèt a-z ariver pus abeye å pwès k' i vlèt. Les categoreyes sont sorlon l' pwès, li pus hôte categoreye c' est po les cis ki fjhèt d' pus d' 270 kilogrames.

ene estampe djaponesse so bwès des anêyes 1860, da Kunisada Utagawa, ki mostere ene lûte di sumô (clitchîz po-z agrandi)

Li sumô a des oridjenes rilidjeuses, et minme si enute il a divnou on spôrt eternåcionå, å Djapon i wåde co li costé d' ceremoneye, avou on priyesse shintô ki vént rbeni l' terén djusse divant tchaeke bate.