Aller au contenu

Tchansons a mete e muzike (ramexhnêye 2024)

Radjouter des hårdêyes
Èn årtike di Wikipedia.

Li ramexhnêye di tchansons a mete e muzike di 2024, c' est on fitchî di 78 tecses di tchansons k' a stî rashonné pal Siervice des Lingaedjes do Payis tins d' l' esté et d' l' ahan 2024. C' est ene usteye k' a stî emantcheye po-z ecoraedjî les tchanteus noûcåzeus a s' mete dins les rangs pol bate di tchansons del Fiesse ås lingaedjes walons 2025.[1]

I gn a 22 scrijheus k' ont dné des tecses po ç' ramexhnêye la. Tos les tecses sont rmetous e francès dins l' fitchî, et gn a eto èn indecse des tinmes al difén, e francès.

Djivêye des scrijheus

[candjî | candjî l’ côde wiki]

Replaidaedje

[candjî | candjî l’ côde wiki]

Li tchanson Sul vôye di Brogne, sicrîte pol ramexhnêye pa Lorint Hendschel, a stî replaideye dins Nwêr Boton (lº 523, avri-may-djun 2025).

Tchantaedje des tecses

[candjî | candjî l’ côde wiki]

Xavier Bernier a lu-minme metou e muzike ene des tchansons k' il a dné pol ramexhnêye : C’èst l’ mèstî qui mousse.

Deus tchansons di Lorint Hendschel (Djonne macrale et Sul vôye di Brogne) ont stî metowes e muzike folk pa La Rawette et tchantêyes tins del Fiesse ås lingaedjes walons 2025. Xavier Bernier a eto tchanté Djonne macrale avou s' binde Loriot.

Li tchanteu Olivier Terwagne, k' a wangnî l' bate del Fiesse ås lingaedjes walons 2025, a metou e muzike ene tchanson di Jacques Desmet (Tu finirès minisse !, k' i rlome Dj’a ausse dè l’ tchanter[2]) ey ene tchanson (e borén) di Roland Thibeau (Ërprinde lès viés k’mégn[3]).

Hårdêye difoûtrinne

[candjî | candjî l’ côde wiki]

Sourdants

[candjî | candjî l’ côde wiki]
  1. ↑ (fr) «Tremplin pour la chanson en langue régionale», årtike sol waibe do Mwaisse Siervice des Belès-letes et do Live, 15 di nôvimbe 2024.
  2. ↑ Videyo so VoBuze
  3. ↑ Videyo so VoBuze
Prin del pådje «https://wa.wikipedia.org/w/index.php?title=Tchansons_a_mete_e_muzike_(ramexhnêye_2024)&oldid=415079»