Touma bacalciomrece ås berbis

Li touma bacalciomrece ås berbis, c' est ene maladeye des berbis plinnes, u ki vnèt djusse di bedler. Ele toumèt djus a cåze d' ene ipocalcemeye.

Minêyolodjince

C' est totès biesses bén sogneyes. Kécfeye minme fornoureyes ås alimints, et ki dmeurnut ezès bedjreyes, sins rexhe po paxhe.

Li maladeye ès rescontere purade so les berbis plinnes. Mins gn a eto des cas djusse après l' bedlaedje.

Malårdaedje

Li maladeye rishonne å touma del vatche velêye. Gn a :

• des cas ledjirs, la k' el berbis tént co so ses pates, mins si vout coûtchî;
• des cas «ordinaires», cwand on trouve li berbis coûtcheye so s' pwetrene, mins ki n' si sait rastamper; ele pout awè l' tiesse riployeye sol cadje coistrece (oto-aschoûtaedje).
• des cas griyeus, wice ki l' berbis est coûtcheye so s' flanc.

Li timperateure pout esse foirt basse.

• 
  cas ledjir
• 
  cas «ordinaire»
• 
  cas griyeus
• 
  dischandixhaedje (normåldimint : 38,5-39,5°C)

Diyagnostik

I n' fwait nén todi åjheye di vey li diferince avou l' tocsemeye des berbis plinnes. Li tocsemeye si voet so des berbis maigues, mins eto so des fornoureyes. Li berbis est sovint aveule.

Li diferinciant diyagnostik si fwait tot loucant l' reyaccion å médiaedje avou do calciom.

Médiaedje

Li médiaedje si fwait avou do calciom dins l' voenne u ôte pårt.

Li berbis cmince a tronner tote tins do médiaedje, u djusse après.

Les cenes coutcheyes so leu flanc si rmetnut so s' pwetrene. Pu s' rastamper dins les 10 munutes, on cwårt d' eure. Et padecô pus rade ki ça.

• 
  djusse après médiaedje: co pont d' reyaccion
• 
  10 munutes après l' médiaedje : rashîte so s' pwetrene
• 
  15 munutes après médiaedje : rastampêye

Alére

(en) Pådje do live MSD d' årtisyince sol touma bacalciomrece ås berbis ey ås gades